Grímsvötn tilbúin í gos – „Ef ég ætti að veðja á eld­fjall þá myndi ég veðja á Grím­svötn næst“

„Þetta er mjög dæmi­gert fyr­ir dýpri kviku­söfn­un og við sjá­um þetta mjög víða,“ sagði Benedikt Gunnar Ófeigs­son, nátt­úru­vár­sér­fræð­ing­ur hjá Veður­stofu Íslands, í sam­tali við Morg­un­blaðið. Rætt var við Benedikt í kjöl­far mæl­inga sem sýndu kviku­söfnun austan við Fagra­dals­fjall.

Kviku­söfn­unin er talin vera á um 16 kíló­metra dýpi en sagði Benedikt ekk­ert benda til þess að kvika nálgist yfir­borðið. Þá hafa rúm­lega 5000 skjálftar mælst á Reykja­nesskag­anum frá því að gos­inu lauk og úti­lokar Benedikt ekki annað gos. „Við vit­um það ekki en já, á meðan við sjá­um kviku vera að safn­ast fyr­ir og ef það stopp­ar ekki þá geri ég ráð fyr­ir að það endi með gosi og ekk­ert ólík­legt að við fáum fleiri gos á Reykja­nesi á næstu ára­tug­um.“

„Ef ég ætti að veðja á eld­fjall þá myndi ég veðja á Grím­svötn næst, en við sjá­um til,“ sagði Benedikt en þensla í Grím­svötnum er nú þegar komin út fyrir stöð­una sem var fyrir síð­asta gos. Viðtalið við Benedikt má lesa hér.