Guðmundur brjálaður, sár og reiður: Hakkar í sig Arnar og Loga – Niðrandi og aalgjörrlegga ÓÞOLANDI

Efnisorð

Deila

- Auglýsing -

Guðmundur Þ. Guðmundsson var reiður sérfræðingum RÚV eftir hetjulega baráttu landsliðsins gegn Frökkum í dag. Kvaðst Guðmundur vera mjög stoltur af liðinu en leikmenn börðust eins og öskrandi ljón gegn sterkum Frökkum sem sigruðu okkar menn 28 – 26. Guðmundur benti á að í íslenska liðið vantaði fjóra lykilmenn og gagnrýni sérfræðinga RÚV, þeirra Arnars Péturssonar og Loga Geirssonar, ætti ekki rétt á sér.

Aaaalgjörrlegga ÓÞOLANDI að heyra sérfræðinga RÚV tala um liðið á niðrandi hátt

Í viðtali við Einar Örn Jónsson, lét Guðmundur í sér heyra og var mikið niðri fyrir. Ljóst var að landsliðsþjálfarinn var bæði sár og reiður. Telur hann gagnrýni á landsliðið vera á algjörum villigötum og baunaði hann á Loga og Arnar núna fyrr í dag.

„Það er algjörlega óþolandi að heyra hvernig sérfræðingar RÚV eru að tjá sig um þetta á niðrandi hátt,“ sagði Guðmundur með miklum reiðitón og var ósáttur við að liðið væri sagt ráðalaust af Arnari og Loga. Hann bætti við:

„Þetta eru svo niðrandi ummæli og þetta hefur farið mjög illa í hópinn og mig hvernig þetta hefur verið. Mér finnst þetta ekki eiga rétt á sér.“

Guðmundur vill vitrænni umræðu um íslenska liðið en ekki sé talað í niðrandi fyrirsögnum af „sérfræðingum“ í sjónvarpssal. Guðmundi var heitt í hamsi og sagði:

„Það er algjörlega óásættanlegt. Það er allt í lagi að gagnrýna, en hún þarf að vera fagleg og hún þarf að vera sanngjörn. Þá erum við alveg til í að ræða hlutina.“

Guðmundur bætti við að Logi og Arnar hefði gagnrýnt hann ósanngjarnt í þrjú ár og hann hlustaði ekki á svona blaður. Þá sagði Guðmundur:

„Ég er ótrúlega stoltur af þessu liði. Ég er ótrúlega stoltur af þessari frammistöðu og hvernig við erum að gera þetta.“

Hvernig fannst þér íslenska landsliðið standa sig? Segðu okkur skoðun þína í kommentum hér fyrir neðan!

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -