Guðmundur Elís Sigurvinsson, einn alræmdasti ofbeldismaður landsins var handtekinn við höfnina Í Reykjanesbæ síðdegis Lýst var eftir 15 ára stúlku á samfélagsmiðlum í dag. „Ekki hefur einhver séð systur mína eða heyrt eitthvað frá henni? Hún fór að heiman um 19 leytið í gærkvöldi og skilaði sér aldrei heim í nótt. Það er grunur um að hún gæti verið með Guðmundi Elís þar sem þau hafa verið í samskiptum undanfarið,“ sagði í færslu eldri systur stúlkunnar sem dreyfðist hratt um á samfélagsmiðlum. Guðmundur er 24 ára.
Frásagnir fyrrverandi kærustu Guðmundar af hrottalegu ofbeldi vöktu töluverða athygli. Hún kærði Guðmund sem fékk 12 mánaða fangelsisdóm. Aftur var hann handtekinn í september árið 2021, grunaður um kynferðisbrot. Hann starfar á skipi sem lagði úr höfn klukkan fjögur í morgun. Lögregla hafði samband við skipstjóra og viðurkenndi Guðmundur þá að stúlkan væri með honum á skipinu. Skipið fór í höfn í Reykjanesbæ þar sem Guðmundur var handtekinn.