Guðmundur Freyr Magnússon, hefur verið sakfelldur í Héraðsdómi Reykjaness fyrir fimm brot. Hann afplánar nú 17 ára dóm á Spáni fyrir húsbrot og morð á unnusta móður sinnar. Brotin sem tekin voru fyrir í Hérðasdómi í morgun framdi Guðmundur árið 2019. Var hann ítrekað handtekinn fyrir akstur undir áhrifum fíkniefna sem endaði í eitt skiptið með því að bifreiðin hafnaði utan vegar.
DV birti dóminn í morgun en í honum segir meðal annars:
„Ákærði á að baki langan sakaferil sem nær aftur til ársins 1996. Frá þeim tíma til og með 2014 hlaut hann 13 fangelsisdóma fyrir brot gegn almennum hegningarlögum, umferðarlögum og fleiri sérrefsilögum. Er óþarft að rekja þann feril nema að því marki sem áhrif kann að hafa við ákvörðun refsingar í þessu máli.“