Fimmtudagur 22. september, 2022
9.1 C
Reykjavik

Guðni Pétur 31 árs var jarðsunginn í dag: „Í þakklæti kveðjum við elskaðan og yndislegan son“

Helgarviðtalið

- Auglýsing -

Orðrómur

- Auglýsing -

Guðni Pétur Guðnason, sem var aðeins 31 árs þegar hann fannst meðvitundalaus á botni Sundhallarinnar í Reykjavík, var borinn til grafar í dag. Fjölskyldan syrgir nú einstakan vin sem fór alltof fljótt.

Blessuð sé minning Guðna Péturs.

Pétur, eins og hann var oftast kallaður, lauk námi í listabraut í Borgarholtsskóla enda var honum margt til lista lagt, meðal annars við teikningar og húsgagnasmíði sem hann hóf nám í eftir að námi í Borgarholtsskóla laukHann fór í kristilegan skóla í Kanada á braut sem kallaðist „School of Hearts“ og var iðinn í skátastarfi á sínum yngri árum. Síðasliðin þrjú ár starfaði Pétur á heimili fyrir geðfatlaða á Flókagötu. „Þar var Pési alveg elskaður og dáður af skjólstæðingunum. Hann var svo einstaklega góður við skjólstæðinga sína, hann kallaði þá alltaf strákana sína þó þetta séu fullorðnir karlmenn,“ sagði Guðni Heiðar Guðnason, faðir Péturs, í samtali við Mannlíf.

Sjá einnig: Guðni Pétur var aðeins 31 árs er hann lést í Sundhöllinni: „Það elskuðu hann allir“

Guðni Pétur fæddist í Reykjavík 10. nóvember 1989. Hann lést af slysförum á gjörgæsludeild Landspítalans 21. janúar 2021. Hann var því aðeins 31 árs gamall er hann lést. Guðni Pétur var ókvæntur og barnlaus.

Hér er fjölskyldan saman komin til að minnast Guðna Péturs. Frá vinstri: Bjarki, litli bróðir, Sigrún og Heiðar, foreldrar, og Edgar Smári, stóri bróðir.

Guðni Heiðar og Sigrún Drífa Annieardóttir, móðir Péturs, minnast sonar sín með hlýjum orðum í minningagrein í Morgunblaðinu í dag. „Við gengum upp tröppurnar að heimili okkar í Grafarvoginum, ég staldraði við á stigapallinum, horfði á hrímhvíta Esjuna og fann nístandi kuldann bíta í kinnar mínar. Hann var betri þessi kuldi en sá sem nísti sál mína. Aldrei yrði neitt eins og áður, Pétur okkar hafði verið tekinn frá okkur,“ segir foreldrarnir og bæta við:

„Það er erfitt að stöðva flæði minninganna, enda verður það þannig að þótt skrif þeirra verði ekki lengri núna, þá er svo margs að minnast. Í þakklæti kveðjum við elskaðan, kærleiksríkan og yndislegan son með kveðjunni sem honum var svo töm, „Góða nótt, Guð geymi þig, ég elska þig.“ Sjáumst hjá Jesú, Buddinn minn.“

- Auglýsing -

Bjarki Enok minnist einnig eldri bróður síns í fallegri minningagrein. „Elsku besti stóri bróðir minn og vinur. Orð geta ekki lýst því hvað ég sakna þín. Þú varst svo frábær og góður stóri bróðir sem passaði alltaf upp á litla brósa sinn þó hann væri kannski orðinn alltof
gamall fyrir það. Þú kenndir mér svo margt og eiginlega bara allt sem ég kann í dag og ég vildi óska þess að þú gætir kennt mér og sagt mér fleira því þú veist svo margt,“ segir Bjarki og heldur áfram:

„Ég leit svo upp til þín, Pétur, og ég þráði það svo að geta orðið jafn mikill snillingur og þú. Ég mun aldrei gleyma þér og öllum minningunum sem við áttum saman, elsku Buddi minn, og ég veit að við munum sjá hvor annan aftur einn daginn. Þar til næst, elsku Pési minn, Guð geymi þig og ég elska þig.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -