Gummi kíró keypti bíl á þrettán milljónir

Guðmund­ur Birk­ir Pálma­son, betur þekktur sem Gummi kíró, er áhrifa­vald­ur og kírópraktor sem virðist vera að gera það gott fjárhagslega.

Smartland segir frá.

Kappinn er kom­inn á glæsilegt öku­tæki; alls ekki af síðustu sort – síður en svo og þar fram eftir götunum; um er að ræða grá-kampa­vínslitaðan Range Rover – bílar sem hlutu nafnbótina Game Over þegar hrunið skall á árið 2008, en fyrir það óku allir aðalspaðarnir á Range Rover, sem virðist nú vera kominn aftur í tísku.

Bíll­ Gummar er ár­gerð 2017 – var bíll­inn keypt­ur um miðjan sept­em­ber. Og verðið var 13 milljónir króna.

Fyrirtæki Gummar, Kírópraktor­stöð Reykja­vík­ur ehf., er skráð sem eig­andi bíls­ins.

Óhætt er að segja að Gummi njóti mikillar vel­gengni í starfi: Fyr­ir­tækið var rekið með góðum hagnaði í fyrra.

Það mun því ekki væs­a um Gumma kíró og kærustu hans, Línu Birgittu Sig­urðardótt­ur, í bíln­um sem er klædd­ur ljósu og afar fallegu leðri að inn­an.

Bílakaupin eru því uppfærsla og til marks um góðan gróða – en áður keyrði Gummi um götur bæjarins á Land Rover Vel­ar; minni og nett­ari en nýi bíll­inn.