Gunnar Birgisson varð bráðkvaddur á heimili sínu í gær, 73 ára að aldri. Hann var fyrrverandi alþingismaður og bæjarstjóri. Gunnar var kvæntur Vigdísi Karlsdóttur sjúkraliða en saman eiga þau dæturnar Auðbjörgu og Agnesi sem fæddar eru 1968 og 1976.
Gunnar starfaði mikið innan Sjáfstæðisflokksins og var áberandi í störfum sínum.
Gunnar fæddist þann 30. september 1947, foreldrar hans voru Birgir Guðmundsson og Auðbjörg Brynjólfsdóttir. Gunnar útskrifaðist sem stúdent frá Menntaskólanum í Reykjavík árið 1972. Árið 1977 lauk hann svo grunnnámi í verkfræði frá Háskóla Íslands.
Gunnar var bæjarstjóri í Kópavogi frá 2005 til 2009 og þá bæjarstjóri Fjallabyggðar frá 2015 til 2019. Gunnar gegndi um skeið á síðasta ári stöðu sveitarstjóra Skaftárhrepps. Hann var alþingismaður Reyknesinga frá árinu 1999 til ársins 2003 og Suðvesturkjördæmis frá 2003 til 2006.