Vefsíðan Fótbolti.net greinir frá því að miðillinn var að fá yfirlýsingu frá lögreglunni í Manchester um að Gylfi Þór Sigurðsson verði ekki ákærður fyrir kynferðisbrot gegn ólögráða einstaklingi og er hann því laus allra mála.
Gylfi var tekinn höndum í júlí 2021; grunaður um kynferðisbrot gegn ólögráða einstaklingi.
Rannsókn á málinu lauk í janúar síðastliðnum; saksóknaraembættið fékk gögnin í hendurnar frá lögreglunni þann 31. janúar.
Þá var það var í höndum saksóknaraembættisins að ákvarða næstu skref; hvort ákært yrði í málin Gylfa eða það fellt niður.
Núna hefur sú ákvörðun verið tekin að fella málið niður eftir tæplega tveggja ára ferli.
Mál Gylfa setti íslenskt samfélag á hliðina; enda Gylfi vinsælasti og besti fótboltamaður Íslands.
Nú er spurningin hvað gerist næst. Heldur Gylfi áfram í fótboltanum? Fer hann í mál við ensk yfirvöld vegna handtökunnar?