• Orðrómur

Halldór birtir óvinalista Róberts Wessman: Auðmaðurinn sagður halda úti skæruliðadeild í 11 ár

Efnisorð

Deila

- Auglýsing -

Ítarleg greinargerð Halldórs Kristmannssonar uppljóstrara fyrir Héraðsdómi Reykjavíkur inniheldur nákvæmar lýsingar á því hvernig Róbert Wessman, forstjóri Alvogen og Alvotech, hafi grafið undan meintum óvinum sínum. Til þess notaði hann að því er fram kemur „Skæruliðasveit“ líkt og gerðist í Samherjamálinu.

Halldór segir frá því fyrir héraðsdómi hvernig Róbert hafi nýtt lykilstjórnendur Alvogen og Alvotech til að koma höggi á meinta óvildarmenn sína, meðal annars með umfangsmiklum leka á trúnaðarupplýsingum er varði bankaleynd. Hann segir „skæruliðahernað“ Róberts gegn á þriðja tug óvildarmanna hafa staðið yfir í 11 ár, sem hafi gengið út á að klekkja á þekktum athafnamönnum í íslensku viðskiptalífi, opinberum embættismönnum og blaðamönnum. Vaxandi ágreiningur hafi myndast milli hans og Róberts vegna þessa, þar til Halldór steig fram sem uppljóstrari.

Halldór segist hafa greint stjórnum Alvogen og Alvotech frá því hvernig Róbert hafi nýtt stjórnendur fyrirtækjanna með þessum hætti, en „slökkviliðið“ hafi verið of upptekið af „hvítþvotti“ forstjórans og hafi ekki sýnt þessu nokkurn áhuga.

- Auglýsing -

Halldór segir Róbert hafa beitt undirmenn sína þrýstingi frá árinu 2010, til að koma höggi á hóp athafnamanna í íslensku viðskiptalífi og hefur lagt fram ítarleg gögn því til staðfestingar.  Hann telutr upp nöfn fjölda þeirra sem Róberti var nöp við.

Óvinalistinn

Þar nefnir hann Andra Sveinsson, Birgi Bieltvedt,  Birgi Má Ragnarsson, Björgólf Thor Björgólfsson, Björgólf Guðmundsson, Claudio Albrecht fyrrv. forstjóra Actavis, Ernu Kristjánsdóttur og syni hennar Ólaf og Kristján Guðmundssyni, Frank Pitt, Guðmund Kristjánsson, Gunnar Fjalar Helgason, Heiðar Má Guðjónsson, Magnús Þorsteinsson, Matthías Johannessen, Peter Prock fyrrv. aðstoðarforstjóra Actavis, Ragnar Þórisson og Tómas Áka Gestson.  Auk þess má nefna meinta erlenda óvildarmenn Róberts sem höfðu þegið boð í afmælisveislu Björgólfs Thors, þá Ari Salmivuori, fyrrum hluthafa í Landsbankanum og Georg Tsvetanski kaupsýslumann. Vel á annað hundrað greinar birtust í fjölmiðlum er sköpuðu neikvæða umræðu um fjármál, bankaviðskipti og önnur trúnaðarmál, sem tengdust ofangreindum aðilum,“ segir í yfirlýsingu Halldórs.

Hann útskýrir af hverju hann hafi skilað inn umræddri greinargerð með svo viðkvæmum upplýsingum.

- Auglýsing -

„Eins og áður hefur komið fram er ég nauðbeygður til að verja mig í málinu, og mun því eðlilega leggja fram nauðsynleg sönnunargögn. Í tilefni af vörn minni fyrir héraðsdómi, vil ég byrja á að svara sérstaklega fullyrðingum um að engar stoðir hafi verið fyrir mínum ábendingum. Yfirlýsingarnar eru augljós markleysa og í besta falli klaufaleg tilraun til „hvítþvotts“, þar sem festa eigi þöggun og meðvirkni gagnvart Róbert í sessi innan fyrirtækjanna.“

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Mest lesið í vikunni

- Auglýsing -