Karlmaður sem situr í gæsluvarðhaldi og er talinn hafa skotið á fjölskyldubifreið Dags B. Eggertssonar borgarstjóra er fyrrverandi lögreglumaður og segir á vef Fréttablaðsins að árásarmaðurinn heiti Hallur Gunnar Erlingsson. Gæsluvarðhald yfir manninum var framlengt á dögunum. Á heimili skotmannsins fannst töluvert magn skotvopna.
Hann hefur áður komið við sögu lögreglu og er málið nú komið á borð héraðssaksóknara og verður maðurinn í gæsluvarðhaldi fram á föstudag hið minnsta. Á vef Fréttablaðsins segir að Hallur hafi verið dæmdur fyrir kynferðisbrot gegn þremur ungum stúlkum árið 2003 en fékk uppreist æru árið 2010.