Hanna Ingibjörg er nýr ritstjóri Húsa og híbýla

Efnisorð

Deila

- Auglýsing -

Hanna Ingibjörg Arnarsdóttir hefur tekið við sem ritstjóri tímaritsins Hús og híbýli en hún hefur starfað í  14 ár sem  blaðamaður og ritstjóri hjá útgáfufélaginu Birtíngi. Undanfarin þrjú ár hefur Hanna ritstýrt tímaritinu Gestgjafanum við góðan orðstír og mun halda því starfi áfram. Auk þess hefur hún tekið virkan þátt í uppbyggingu vikublaðsins Mannlífs og man.is.

Sigríður Elín Ásmundsdóttir ritstýrði Húsum og híbýlum í níu farsæl ár en hún hefur látið af störfum hjá útgáfufélaginu. Sigríði eru þökkuð vel unnin störf á undanförnum árum og óskum við henni velfarnaðar á nýjum vettvangi. Þess má geta að nýjasta tölublað Húsa og híbýla, blaðið sem kom í verslanir í dag, er síðasta tölublað Húsa og híbýla sem Sigríður ritstýrði.

Hanna segist í samtali við man.is vera full tilhlökkunar að takast á við nýja áskorun. „Ég hef ætíð haft mikinn áhuga á fallegri hönnun og verkefni mitt verður fyrst og fremst að halda áfram farsælli útgáfu Húsa og híbýla. Við munum þó leggja aukna áherslu á stafræna uppbyggingu allra tímarita okkar á næstu misserum og lesendur munu sjá nýjungar og áherslubreytingar á blaðinu þegar fram líða stundir,“ segir Hanna sem mun áfram ritstýra Gestgjafanum af fullum krafti.

„Annars er mikill hugur í okkur á ritstjórnum Gestgjafans og Húsa og híbýla, en báðar þessar ritstjórnir hafa verið styrktar með nýjum blaðamönnum og munu vinna í nánu samstarfi hvor við aðra. Þannig að við ætlum okkur að halda áfram að þjóna áskrifendum okkar vel og færa þeim vandað efni um heimili, hönnun, mat og vín svo eitthvað sé nefnt.“

Útgáfufélagið Birtíngur gefur út tímaritin Vikuna, Gestgjafann og Hús og híbýli. Auk þess gefur útgáfufélagið út Mannlíf, eitt mest lesna helgarblað landsins, og heldur úti lífsstíls- og fréttavefnum man.is.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Andrés við fótskör Davíðs

ORÐRÓMUR Ráðning Andrésar Magnússonar, fjölmiðlarýnis Viðskipablaðsins, í starf fulltrúa ritstjóra Morgunblaðsins vekur nokkra athygli, aðallega í fjölmiðlaheiminum.Ýmsar...

Nýtt í dag

Í fréttum er þetta helst...

Mest lesið í vikunni

- Auglýsing -