Hanna Björg Vilhjálmsdóttir segir að „í Kastljósi kvöldsins var rætt um þá afhjúpun á kynferðisbrotum og öðru ofbeldi gegn börnun í Lauganesskóla fyrir áratugum, svívirðilegri yfirhylmingu, þöggun og afneitun á ofbeldinu.“
Bætir þessu við:
„Fólk undirstrikar mikilvægi þess að varpa ljósi á kynferðisbrot, að rjúfa þögnina, að trúa þolendum og að samfélagið bregðist við. Þetta er einn angi samtalsins í samfélaginu í dag.“
Hanna nefnir að „á sama tíma er reynt að grafa undan rödd þolenda með því að „taka niður“ vettvanginn sem þær fengu til að segja frá ofbeldinu. Í fréttatímanum í kvöld var fjallað um rándýra glænýja auglýsingu um íslenskan fótbolta, þar sem konur fá sviðið í 12% tímans í auglýsingunni.“
Og Hanna er ekki sátt við það:
„Þetta er annar angi samtalsins. Kvenfyrirlitning er rótin að þeim faraldri sem kynferðisofbeldi er. Fólk hefur áhyggjur af lýðræðinu í landinu vegna þess að fjölmiðill fór á hausinn. Ég hef áhyggjur af lýðræðinu því það er ekkert lýðræði án jafnréttis.“
