Harmleikur á Hólmsheiði – Fangi fannst látinn í klefa sínum: „Við erum öll harmi slegin“

Sá mikli harmleikur gerðist í fangelsinu á Hólmsheiði að fangi þar fannst látinn í klefa sínum í gærmorgun.

Páll Winkel fangelsismálastjóri staðfesti þetta í samtali við blaðamann Mannlífs.

Ekki er ljóst á þessari stundu hvað gerðist nákvæmlega, en lögregla rannsakar málið og getur eðlilega ekki tjáð sig um rannsókn sem er nýhafin.

Páll gat ekki tjáð sig mikið um málið enda afar viðkvæmt og rannsókn stutt á veg komin.

„Við erum öll harmi slegin vegna þessa atburðar,“ sagði Páll Winkel fangelsismálastjóri í samtali við Mannlíf.