Fimmtudagur 28. mars, 2024
3.8 C
Reykjavik

Harmleikur í skjóli barnaverndar – Andlát ungbarns til rannsóknar

VefTv

- Auglýsing -

Hlaðvörp

- Auglýsing -

Rannsóknardeild lögreglunnar á höfuðborgarsvæðinu rannsakar andlát ungabarns sem lést á vistheimili barna á vegum Barnaverndar Reykjavíkur. Andlátið átti sér stað fyrir nærri tveimur mánuðum og lögreglan verst allra frétta af rannsókninni að öðru leyti en því að ekki sé talið að andlátið hafi borið að með saknæmum hætti. Ekki liggur því fyrir á þessari stundu hvernig andlát barnsins bar að og er beðið eftir niðurstöðu krufningar erlendiis frá.

Dauðsfallið varð á vistheimili barna á vegum Barnavendar Reykjavíkur, úrræði sem kallast Mánaberg, þar sem fram fer meðferð í foreldrafærni. Eftir því sem Mannlíf kemst næst átti harmleikurinn sér stað í þartilgerðri gæsluíbúð. Íbúðin er sérstakt úrræði þar sem foreldrar barna eru undir sérstöku eftiriliti með það að markmiði að leiðbeina þeim hvernig bera eigi virðingu fyrir börnum sínum. Í íbúðinni fyrir tveimur mánuðum var barnafjölskylda í meðferð með ungt barn sitt og í nærliggjandi íbúð mátti finna gæslumann á vegum barnaverndar sem hefur það hlutverk að líta reglulega við hjá fjölskyldunni.

Hjá lögreglunni á höfuðborgarsvæðinu fékkst það staðfest að málið væri til rannsóknar en engar upplýsingar veittar um gang hennar. Forsvarsmenn Barnaverndar Reykjavíkur, jafnt framkvæmdastjóri sem og formaður, vildu ekki tjá sig um málið þegar eftir því var leitað.

Fréttin hefur verið uppfærð. 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -