Sauðdrukkinn sundmaður fór ekki eftir fyrirmælum sundlaugarstarfsmanns sem neyddist til að kalla á lögreglu sér til aðstoðar. Drukkna sundmanninum var vísað upp úr lauginni og hann rekinn á dyr.
Það voru fleiri til vandræða í miðborginni. Maður nokkur hefur haft þá áráttu að fara um með stóran hátalara og blasta tónlist, íbúum til óþæginda og andvöku. Lögreglan reyndi ítrekað að fá manninn til að láta af hávaðamengun sinni en ekkert gekk. Á endanum var hátalarinn haldlagður og hávaðaseggurinn á von á kæru fyrir athæfi sitt og þar með brot á lögreglusamþykkt.
Umferðarslys varð í austurborginni ekið á einstakling á rafhlaupahjóli. Óljóst er með meiðsli hans. Þá slasaðist maður á reiðhjóli.
Ýmis smærri mál komu til kasta lögreglu. Skemmdir voru unnar á útidyrahurð án þess að upplýst væri um sökudólg. Þá var búðarþjófur á ferli í borginni. Nokkrir malbiksníðingar voru staðnir að því að vera með nagladekk undir bifreiðum sínum. Þeir fá háa sekt. Þá var að vanda nokkuð um ökumenn sem voru á ferð án þess að vera með heila hugsun vegna neyslu og skapa stórhættu í umferðinni. Þeir sæta allir viðurlögum.