Töluvert var tilkynnt um hávaða og unglingadrykkju á höfuðborgarsvæðinu í nótt, segir í dagbók lögreglunnar. Reikna má með að gleðilætin tengist útskrift unga fólksins sem fagnar nú skólaslitum og tímamótum í lífinu. Mikið var um útköll vegna þessa en einnig aðstoð vegna veikinda.
Laust eftir kl. 20 í gærkvöld var ökumaður gripinn af lögreglu í miðborginni, grunaður um að aka undir áhrifum. Hann reyndist hafa fíkniefni í fórum sínum. Tekið var blóð úr manninum en hann síðan látinn laus.
Símaþjófur var á ferð í miðborginni. Lögreglan leitar að manninum en veit hver gerandinn er.
Maður slasaðist í austurborginni. Hann var fluttur á bráðamóttöku með áverka á fæti.
Tilkynnt var um innbrot og þjófnað úr verslun . Óljóst er hvort eða hverju var stolið. Afskipti voru höfð af manni í annarlegu ástandi í Breiðholti. Ekki tókst að koma vitinu fyrir hann og mar maðurinn handtekinn og læstur inni í fangaklefa þar til bráir af honum. Hann sefur nú fangageymslu.
Árásargjarn þjófur var á ferð í Grafarvogi. Lögreglu barst tilkynning um rán og ofbeldi. Dólgurinn var horfinn þegar lögreglan kom en vitað er hver hann er. Hann mun því þurfa að svara til saka. Vopnaður maður var handtekinn vegna vopnalagabrots í sama borgarhluta.