Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, sem áður hét LÍÚ, virðist ekki trúa afsökun Kára Stefánsson og Þórólfs Guðnasonar fyrir því að Pfizer bólusetningin gekk ekki upp.
Kári hefur fullyrt að Íslandi væri fórnarlamb eigin velgegni, að Íslendingar hafi staðið okkur of vel í sóttvörnum fram til þessa og smit of fá til að réttlæta að senda bóluefni til landsins fyrir alla þjóðina.
Heiðrún segir á Twitter að þessi skýring gangi ekki upp, en hún bendir á að sérkennilegt sé að Pfizer hafi átt í löngum viðræðum án þess að vita tíðni smita á Íslandi. Heiðrún skrifar:
„Eftir viðræður um langt skeið rann það upp fyrir Pfizer í dag að fyrirtækið þekkti ekki lága tíðni smita hér á landi. Ég hefði talið trúverðugra að segja að prentarinn hafi gleypt samningsdrögin.“
Skoðun hennar virðist eiga nokkurn hljómgrunn en fjölmargir læka færsluna. Þekkt fólk er þar á meðal líkt og Auðunn Blöndal skemmtikraftur og Katrín Atladóttir, borgarfulltrúi Sjálfstæðisflokksins.