Komið hefur í ljós að hluturinn sem fannst í ruslagámi í Mánatúni sé heimatilbúin sprengja.
Eins og kom fram í frétt Mannlífs í dag voru þrír voru handteknir í aðgerðum sérsveitarinnar í nótt.
Lögregla getur ekki veitt meiri upplýsingar um málið að svo stöddu: Samkvæmt lögreglu var sérsveitin kölluð út eftir að torkennilegur hlutur fannst í ruslagámi í Mánatúni, eins og áður sagði.
Þrír voru handteknir um klukkan þrjú í nótt. Fréttablaðið greindi frá því í kvöld að sendiherrabústaður Bandaríkjanna væri í næsta húsi við gáminn; ekki liggur ljóst fyrir hvort sprengjan hefði mögulega verið ætluð sendiherranum, eða sendiráðinu og er rannsókn málsins á frumstigi og afar viðkvæm.
Samkvæmt heimildum Mannlífs var ríkisstjórninni mjög brugðið þegar fréttir bárust af fundi sprengjunnar svo nálægt sendiherrabústaðinum; var fundað nokkuð stíft í stjórnkerfinu langt fram eftir degi vegna mögulegra tengsla málsins við sendiherrabústaðinn.
Mannlíf mun fjalla meira um málið á morgun þegar fleiri upplýsingar liggja fyrir frá lögreglu og stjórnvöldum.