Þriðjudagur 19. mars, 2024
-0.2 C
Reykjavik

Hertar aðgerðir í Efstadal 2: Bakterían útbreiddari en talið var

VefTv

- Auglýsing -

Hlaðvörp

- Auglýsing -

Heilbrigðisstofnun Suðurlands og Matvælastofnun hafa ákveðið að grípa til hertari aðgerða vegna E.Coli sýkingar í Efstadal 2. Það er gert þar sem ekki hefur tekist að uppræta smit og smitleiðir með þeim aðgerðum sem þegar hefur verið gripið til.

Þetta kemur fram á vef Landlæknis. Þar kemur fram að alls hefur 21 einstaklingur greinst með E.coli sýkingu, 19 börn og 2 fullorðnir. Annar hinna fullorðnu er erlendur ferðamaður sem kom til landsins 5. júlí. Hann heimsótti Efstadal 8. júlí og veiktist þremur dögum síðar. Hann neytti hann matvæla á staðnum en var ekki í samneyti við dýr.

Hinn fulorðni einstaklingurinn starfar í Efstadal og hefur fram til þessa verið einkennalaus. Starfsmaðurinn hefur ekki starfað við matvælaframleiðslu eða afgreiðslu matvæla og hefur því ekki sérstaka tengingu við hina sýktu. Segir á vef Landlæknis að niðurstaðan sýni að E.coli bakterían sé útbreiddari á staðnum en áður hefur verið sýnt fram á og ekki eingöngu bundin við kálfa á staðnum.

Þar sem ljóst þykir að ekki hafi tekist að uppræta smit og smitleiðir í Efstadal með þeim aðgerðum sem gripið var til um og eftir 4. júlí hafa auknar kröfur um úrbætur verið gerðar. Þannig verður sala íss stöðvuð þar til alþrif og sótthreinsun hefur verið gerð. Framleiðsla verður ekki hafin að nýju fyrr en að ákveðnum skilyrðum uppfylltum.

Gerð var krafa um alþrif og sótthreinsun á veitingastað og aðlægum rýmum og hefur því verið lokið. Þá verður aðgengi að dýrum áfram lokað þar til viðunandi hreinlætisaðstaða hefur verið sett upp, aðskilnaður milli veitingasvæða og dýra verði efldur og starfsmenn sem vinna við matvæli munu þurfa að sýna fram á að þeir eru ekki með bakteríuna.

- Auglýsing -

Ekkert barn er nú inniliggjandi á Barnaspítala Hringsins af völdum STEC E. coli og enn er beðið eftir staðfestingu á greiningu hjá barninu í Bandaríkjunum sem grunað er um alvarlega E. coli sýkingu.

 Sjá einnig: E.coli smit rakið til ferðaþjónustu í Efstadal

Sjá einnig: Líklegast að ísinn hafi valdið E.coli smiti

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -