- Auglýsing -
Hildur Björnsdóttir borgarfulltrúi Sjálfstæðisflokksins birti fyrir stundu færslu á Facebook þar sem hún tilkynnir að hún hyggist bjóða sig fram til borgarstjóra í vor. Það má því búast við harðri baráttu á milli Hildar og Eyþórs Arnalds sem einnig sækist eftir borgarstjórastólnum.
Segist hún vilja skapa borg sem virkar fyrir fólk og fyrirtæki, með hjálp Sjálfstæðisflokksins. Höfuðborg sem setji fjölskyldur í forgang og skóla sem mæti fjölbreyttum þörfum sem og leikskóla sem tryggja inngöngu strax í kjölfar fæðingarorlofs.
Enn hefur sitjandi borgarstjóri, Dagur B. Eggertsson ekki ákveðið hvort hann muni bjóða sig fram aftur næsta vor.