Miðvikudagur 5. október, 2022
6.8 C
Reykjavik

Hilmar Jökull stóð við loforðið og er hættur: „Lygari er ég ekki“

Helgarviðtalið

- Auglýsing -

Orðrómur

- Auglýsing -

Hilmar Jökull Stefánsson sem fram að aðfangadag, var gallharður Sjálfstæðismaður og studdi Bjarna Benediktsson, formann flokksins af einurð stóð við yfirlýsinguna sína og hefur skráð sig úr Sjálfstæðisflokknum. Hilmari blöskraði framganga Bjarna eftir að hann var gómaður af yfirvöldum í Ásmundarsal á Þorláksmessukvöld. Var Bjarni og aðrir gestir sakaðir um að hafa brotið sóttvarnarlög á fjölmennu fyllerí. Kallað var eftir afsögn Bjarna en hann sá enga ástæðu til að víkja af ráðherrastóli. Þá lýsti Katrín Jakobsdóttir, forsætisráðherra, yfir stuðningi við Bjarna og sagði hegðun hans afsakanlega.

HIlmar Jökull var fram að aðfangadag, vgallharður Sjálfstæðismaður og studdi formann flokksins af einurð. Hann hefur þrátt fyrir ungan aldur látið mikið að sér kveða í stjórnmálum en hefur hin síðari ár verið áberandi sem Bassatromma Tólfunnar, stuðningsmannaliði íslensku landsliðanna í knattspyrnu. Þá hefur Hilmar Jökull í tvígang verið í framboði fyrir Sjálfstæðisflokkinn í þingkosningum og var Hilmar Jökull um skeið formaður Týs, sambands ungra Sjálfstæðismanna í Kópavogi.

Hilmar Jökull sagði hegðun Bjarna óafsakanlega og lét eftirfarandi ummæli falla: „Ég hef ekki fengið að knúsa ömmu mína, sem ég elska meira en allt í lífinu, síðan í mars. Fokking mars.“

Hilmar lýsti því yfir að ef Bjarni væri ekki búinn að segja af sér fyrir 31. desember myndi hann segja sig úr Sjálfstæðisflokknum og ekki skrá sig í hann aftur fyrr en Bjarni myndi stíga til hliðar sem formaður.

Hilmar Jökull hefur nú birt örstutta yfirlýsingu á Twitter ásamt skjáskoti sem sannar að hann hafi skráð sig úr Sjálfstæðisflokknum. Hilmar Jökull segir:

„Ég hef verið kallaður ýmsum nöfnum í gegnum tíðina, en lygari er ég ekki.“

Hefur Hilmar Jökull fengið mikið lof fyrir að vera maður orða sinna.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -