- Auglýsing -
Hilmar Jónsson sýnir svart á hvítu þá stöðu í kórónaveirufaraldrinum sem allir vissu en enginn þorir að viðurkenna. Með einföldu riti sýnir hann með afgerandi hætti að hættan vegna veirunnar leynist á landamærunum en ekki innanlands.
Hilmar birtir ritið á samskiptamiðlinum Twitter og skýrir það með eftirfarandi hætti:
„Gjörðu svo vel: Ég tók bara virk smit deilt með helmingnum af sýnum síðustu 14 daga. Þetta er örlítið hliðrað af því að upplýsingar um sýnatökufjölda í skimun 1 og 2 eru ekki aðskildar,“ segir Hilmar.
Rit Hilmars ber saman þrennt: Innanlandssmit á hverja 100 þúsund íbúa, landamærasmit á hverja 100 þúsund íbúa og svo virk smit á landamærum á hverja 100 þúsund komufarþega.
Niðurstaðan er nokkuð afgerandi. Langflest virku smitin tengjast landamærum Íslands og þeim komufarþegum sem til landsins koma. Ef marka má niðurstöðu Hilmars má gera ráð fyrir því að hefði verið tekið fastar á landamærunum í gegnum faraldurinn hefðu bylgjurnar hérlendis jafnvel ekki orðið eins stórar og raun ber vitni.