2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Hótar að leka kynlífsmyndbandi með Heru Björk

Söngkonan Hera Björk gerir lítið úr hótanunum hakkara sem segist ætla að leka kynlífsmyndböndum með henni á Netið.

„Ég fæ núna daglegar hótanir frá hakkara sem vill fá góðan slatta af „bitkrónum“ ellegar birti hann af mér myndir og videó sem hann fullyrðir að sé efni í mjöööög bláann og mjööög langan skemmtiþátt,“ segir Hera Björk í færslu á Facebook. Virðist söngkonan þó engar áhyggjur hafa málinu og gerir óspart grín að öllu saman. „Elsku krúttið hótar að birta og senda öllum sem ég þekki allskyns gúmmilaði sem á að vera í tölvunni minni þannig að skellið maisbaununum í pott og kaupið kók í gleri … ÞETTA VERÐUR VÍST EPIC SHOW.“

Að undanförnum mánuðum hafa fleiri íslenskar konur fengið sambærileg skilaboð. Skemmst er að minnst þess þegar leikkonan ástæla Edda Björgvinsdóttir upplýsti á Facebook að henni hefði bortist hótunarbréf frá hakkara í Outlook pósthólfið sitt. „Hafið þið fengið svoleiðis? Þetta hljómar að vísu mjög spennandi því hakkarinn ætlar að senda öllum vinum og ættingjum mínum pornó-myndband með mér ef ég borga honum ekki fullt af peningum.“

Þá ritar fjölmiðlkonan Sirrý Arnarsdóttir ummæli við þessa færslu Heru Bjarkar þar sem hún segist hafa lent í svipuðu. „Ég fékk líka svona hótun og pældi ekki í því í eina mínútu enda svona drasl hótanir út um allt. Hafðu ekki nokkrar áhyggjur.“

Og það virðist Hera Björk svo sannarlega ekki ætla að gera, því hún lýkur færslunni með því að óska Facebook-vinum sínum góðrar skemmtunar. „Góða skemmtun og umfram allt … góðar stundir.“

Ekki missa af þessum

Annað áhugavert efni

Nýjast á Mannlíf.is