Englendingurinn Fabian Delph, liðsfélagi Gylfa Sigurðssonar hjá Everton, fékk að finna fyrir því á samfélagsmiðlum eftir að skilaboð gengu hratt um heim samfélagsmiðla þess efnis að Delph væri leikmaðurinn sem Everton hefði rekið tímabundið vegna kynferðisafbrots gegn barni.
Stuttu síðar kom það í ljós að Delph var ekki leikmaðurinn sem var rekinn, heldur íslenski landsliðsmaðurinn Gylfi Þór Sigurðsson.
Hinn enski Delph var á samfélagsmiðlum ranglega nefndur sá leikmaður Everton sem sætir lögreglurannsókn og tugir þúsunda notenda samfélagsmiðla deildu sín á milli skilaboðum um að Delph hefði verið tekinn fastur og gerð húsleit hjá honum.
Það kemur skýrt fram í grein í The Sun að Delph sé alsaklaus og hafi dregist inn í umræðuna þar sem Everton ákvað að skýra ekki frá því hver grunaði leikmaðurinn væri, en Delph er jafnaldri Gylfa en tekið var fram í opinberri yfirlýsingu frá Everton að umræddur grunaður maður væri 31 árs gamall; þá komu í raun bara tveir til greina, Gylfi og Delph.
Afleiðingarnar voru slæmar fyrir Delph sem fékk yfir sig ljótar færslur og ógeðsleg skilaboð á samfélagsismðlum. En eftir að ljós var að Delph sé ekki grunaði leikmaðurinn, lauk þessari orrahríð, en eðlilega var honum mjög brugðið.