Margrét Friðriksdóttir, einn umsjónarmanna Stjórnmálaspjallsins á Facebook, óttast að hundurinn hennar sé samkynhneigður. Hún viðrar áhyggjur sínar af þessu í Facebook-hópnum Hundasamfélagið. Margrét er fyrir löngu þekkt fyrir dálæti sitt á hundum en sama má líklega ekki segja um samkynhneigt fólk.
Margrét spyr hvort þetta geti í raun og veru gerst. „Hér kemur ein undarleg spurning, en ég er að velta fyrir mér hvort hundar geti verið samkynhneigðir og einhver hér hafi reynslu af því? En þannig er mál með vexti að hundastelpan mín hún Birta virðist hafa 0% áhuga á karlkyninu og er ég búin að reyna para hana með mörgum flottum hundum síðan hún var 3 ára en hún verður 7 ára í sumar og ekkert gengið,“ skrifar Margrét.
Hún segir Birtu ekki hafa neinn áhuga á karlkyns hundum. „Hún er til í að leika við þá í smástund en svo þegar þeir reyna eitthvað verður hún mjög reið og bítur þá frá sér. En svo á ég vin sem er með aðra Chihuahua tík og Birta mín virðist ástfangin af henni og fer alltaf að leika strák og riðlast aftaná henni og verður mjög ástsjúk að virðist. Er eiginlega búin a gefast uppá að reyna að para hana enda fer það að verða og seint og ég get ekki sett hana í tæknifrjóvgun þar sem hún hefur ekki eignast hvolpa náttúrlega, kannast einhver við þetta?“