Fimmtudagur 28. mars, 2024
0.8 C
Reykjavik

Íbúar smáíbúðahverfis ævareiðir útí Fiskikónginn: „Eru ekki nein takmörk?“

VefTv

- Auglýsing -

Hlaðvörp

- Auglýsing -

Íbúar smáíbúðahverfisins eru afar ósáttir við fyrirætlan Fiskikóngsins, Kristjáns Berg Ásgeirssonar, um að breyta verslun sinni við Sogaveg í fiskvinnslu með verslunarívafi. Nágrönnum kóngins finnst nóg um ónæði þegar af völdum búðarinnar svo ekki sé fiskvinnslu á bætandi.

Hávær umræða fer nú fram í hverfishópi íbúa á Facebokk. Tilefni umræðunnar eru fréttir þess efnis að Kristján ætli sér að opna fiskvinnslu í hverfinu. Það er Jóhanna nokkur sem stofnar til hennar:
„Velti fyrir mér hvort svona þurfi að kynna eða ekki, hvort samþykkt og hvort falli að íbúðahverfi – breyta búð í fiskvinnslu og staðsetja gáma með kælipressu fyrir utan (hávaði) … eða hvort fréttin eigi ekki við rök að styðjast???,“ spyr Jóhanna.

Kristján ætlar að breyta fiskverslun sinni við Sogaveg í fiskvinnslu ásamt sölu fiskafurða. Því fylgja tilheyrandi breytingar á húsnæðinu. Berglindi finnst nóg um húsnæðið eins og það er í dag. „Já það er mjög subbulegt þarna í kring hjá þeim,“ segir Berglind.

Sumir íbúanna benda á að núverandi húsnæði sé skráð sem verslun og þjónusta, því sé óljóst hvort hægt sé að breyta þar um starfsemi eftir hentugleika. Arnþór er ekki viss um að þetta megi. „Ég er ekki viss um að þetta haldi vatni. Nú þekki ég ekki reglugerðir hér í kringum borgarskipulag en erlendis eru úthlutanir annað hvort commercial eða industrial. Þú getur ekki bara ákveðið að breyta úr einu í annað,“ segir Arnþór.

Guðrún Bergmann er heldur ekki hrifin. „Ferlegt að búa svona nálægt, hávaði ( heyrist mest á nóttunni þegar önnur umhverfishljóð dempast) lykt og sammála að oft subbulegt…,“ segir Guðrún. Bergþór nokkur er þessu sammála. „Slæmur fnykur sem leggst yfir hverfið í sumum vind áttum, svo leggja starfsmenn i íbúagöturnar, fyrir utan mávana sem sækja í slorið á kvöldin,“ segir Bergþór.

Selma segir hingað og ekki lengra. „Í fyrrinótt var ekki svefnfriður eftir kl 5 um morguninn vegna hávaða frá Fiskikónginum, eru ekki nein takmörk fyrir klukkan hvað má vera að vinna í íbúðarhverfi (á lyfturum að afferma flutningabíla),“ segir Selma.

- Auglýsing -

Ingibjörg telur þetta þó ekki alslæmt. „Þeir eru með öll tilskilin leyfi. Ég er svakalega ánægð með búðina en þakklát fyrir að búa ekki í húsunum á móti,“ segir Ingibjörg.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -