Miðvikudagur 19. janúar, 2022
-0.2 C
Reykjavik

Illugi segir Katrínu vera klúðra málunum: „49 orða upprifjun um fortíðina“

Helgarviðtalið

- Auglýsing -

Orðrómur

- Auglýsing -

Illugi segir ríkisstjórnina ekkert hafa fram að færa í baráttunni gegn Covid-19 sem nú tröllríður Íslandi sem aldrei fyrr. Segir hann Víði aldrei hafa verið jafn mikið niðri fyrir og í sjónvarpsfréttum í gær.

Illugi Jökulsson, fjölmiðlamaður og þjóðfélagsrýnir skrifaði í gær nokkuð harðorða færslu á Facebook þar sem hann gagnrýnir ríkisstjórn Katrínar Jakobsdóttur sem hann segir að hafi ekkert til Covid málanna að leggja. Segir hann einnig að Víðir Reynisson yfirlögregluþjónn almannavarnarsviðs, aldrei hafa verið jafn mikið niður fyrir og í sjónvarpsfréttum í gær. Víðir fór yfir stöðuna og sagði hana alvarlega og það þýði ekki lengur að hugsa bara um smittölurnar frá því í gær og hugsa ekkert fram í tímann. En gefum Illuga orðið;

„Ríkisstjórn Katrínar Jakobsdóttur fékk oft verðskuldað hrós fyrir að fylgja nær alveg ráðleggingum sérfræðinga í faraldrinum. Nú er ríkisstjórnin hins vegar búin að klúðra málunum og hefur ekkert fram að færa, ekkert til mála að leggja. Ég hef aldrei séð Víði Reynissyni jafn mikið niðri fyrir og í þessu viðtali. Og í minnisblaði Þórólfs er varað við algjöru neyðarástandi.“

Þvínæst skrifar Illugi upp viðtal við Katrínu frá sama fréttatíma en honum þykir vægast sagt ekki mikið til svara hennar koma.

En Katrín hefur þetta að segja um málið:
„En góðu tíðindin eru þau að við erum að sjá í raun og veru fleiri og fleiri gögn renna stoðum undir það að það er miklu lægra hlutfall þeirra sem smitast af omikron sem leggst inn á spítala [ÞETTA HAFA ALLIR VITAÐ Í MÁNUÐ], miklu lægra hlutfall sem er að veikjast alvarlega [DITTÓ, EN ÞÓ EKKI ALVEG FULLREYNT]. Við erum ennþá með töluverðan fjölda sem er hins vegar að smitast af delta-afbrigðinu eins og heilbrigðisráðherra hefur vafalaust farið yfir, og vegna þess að smitin eru svo mörg, þá er álagið mjög mikið [ÞETTA VORU FRÉTTAMENN, LÆKNAR OG AÐRIR BÚNIR AÐ MARGENDURTAKA DÖGUM SAMAN EN KATRÍN ER GEFIN FYRIR AÐ EYÐA TÍMA Í VIÐTÖLUM MEÐ ÞVÍ AÐ SEGJA ALMÆLT TÍÐINDI], og við þurfum eins og ég segi að taka á honum stóra okkar [ÞETTA ER HIÐ EINA FRAMLAG FORSÆTISRÁÐHERRA Í FRÉTTINNI: „ÞURFUM AÐ TAKA Á HONUM STÓRA OKKAR“], og standa með fólkinu okkar, sem er auðvitað í þessu núna, 24 tíma á sólarhring að sinna veiku fólki, og það er auðvitað markverður árangur sem bara hefur hreinlega náðst hér á landi þegar við horfum á það hvernig hefur tekist að hlúa að okkar fólki sem hefur veikst [49 ORÐA UPPRIFJUN UM FORTÍÐINA.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -