Hinn skeleggi fjölmiðlamaður, Illugi Jökulsson er þekktur fyrir sína hörðu gagnrýni og menn og málefni á Facebook. Inn á milli má þó sjá glitta í fallegar örsögur úr þjóðlífinu. Ein slík birtist í dag.
Illugi varð vitni að ljúfu augnabliki í skólasundi barna. Örsagan minnir okkur á að stundum þarf maður bara að lifa í núinu.
„Hópur af 7 ára strákum var búinn í skólasundi rétt áðan og fékk að fara í barnalaugina að leika sér um stund. Þar fór allt fram með miklum gáska og gleðilátum og upphrópunum allskonar, margar ættaðar úr tölvuleikjum og sjónvarpinu. Þegar kennari kom að smala strákunum uppúr jókst fjörið enn, en í þann mund að síðustu strákarnir voru að koma sér upp á bakkann, þá sá kennarinn hvar einn strákanna lét sig fljóta grafkyrr á bakinu spölkorn frá hinum.