Inga Sælan vill ekki láta bólusetja börn undir 12 ára á landinu og kallar bóluefnin tilraunalyf.
Inga Sæland formaður Flokks fólksins var gestur Arnþrúðar Karlsdóttur á Útvarpi Sögu í gær. Þar sagði hún að þór svo að bóluefnin sem notuð séu gegn Covid-19 veirunni virðist draga úr veikindum þeirra sem greinast sé það staðreynd að efnin séu tilraunalyf og að almenningur sé tilraunadýr.
Segir Inga einnig að þegar hún hafi horft á fund velferðarnefndar Alþingi þegar bólusetningar barna voru til umfjöllunar, hafi henni brugðið heldur betur í brún. Ástæðan er sú að þar var sagt frá því að einu rannsóknirnar sem hefðu verið gerðar á bóluefnunum væru gerðar af lyfjaframleiðendum sem sjálfir framleiða þau og að þeim tilraunum ljúki ekki fyrr en 2026.
Í viðtalinu segir hún mikla leynd hvíla yfir samningunum við lyfjarisana sem aðeins örfáir útvaldir hafi fengið að líta á. Inga er ein þeirra útvöldu en þurfti að uppfylla stöng skilyrði.
„Við fengum að sjá þetta í mýflugumynd í leyniklefa, þetta var ekki þýtt á íslensku, við máttum ekki taka myndir af þessu eða ljósrita,“ sagði Inga við Arnþrúði bætti við að það sé ekki auðvelt að lesa allan samninginn á svo stuttum tíma enda á annað hundra blaðsíður á lengd.
Þegar kemur að bólusetningu barna frá 5 ára aldri og upp í 11 ára aldurinn sagði Inga það mjög mikilvægt að spyrja gagnrýnna spurninga á borð við þær hvort nota eigi börn sem tilraunadýr og hvort sé verið að sprauta börnin til þess að koma í veg fyrir að þau smiti hina fullorðnu.
„Er það virkilega þannig að við séum að taka þessa áhættu með börnin með nánast engum rannsóknum sem liggi að baki bóluefnunum?“ spyr Inga í viðtalinu.
Segir Inga aukreitis að ef hún fengi að ráða myndi ekkert barn verða sprautað með einni einustu sprautu af tilraunalyfjunum.
Inga segir að ef hún réði hvernig þessum málum væri háttað þá myndi ekkert barn undir 18 ára verða sprautað með einni einustu sprautu af tilraunalyfjunum.
„Mér finnst þetta bara grátlegt ef ég á að segja alveg eins og er.“
Þáttinn í heild sinni má hlusta á hér.