- Auglýsing -
Skólastjóri Fossvogsskóla, Ingibjörg Ýr Pálmadóttir hefur látið af störfum. Tilkynnti Ingibjörg starfsfólki sínu þetta á fundi í gær. Mygla hefur herjað á starfsfólk og nemendur skólans undanfarið.
Nýr skólastjóri hefur þegar tekið við stöðu Ingibjargar en er það Hafdís Guðrún Hilmarsdóttir en starfaði hún síðasta árið á fagskrifstofu skóla- og frístundasviðs.
Framkvæmdir hafa staðið yfir á húsnæði Fossvogsskóla frá því að Ingibjörg hóf störf. Þá hefur mætt mikið á starfsfólki og nemendum skólans vegna myglu sem fannst í skólanum sem varð til þess að færa þurfti kennsluna í önnur hús.
Hvorki náðist í Hafdísi né Ingibjörgu við gerð fréttar.