Ingólfur Marteinn Jones, fyrrverandi vörubílstjóri, átti afar erfið jól vegna fátæktar og þeirra alvarlegu veikinda sem hann glímir við. Hann er miður sín yfir því að hafa ekki getað veitt dætrum sínum tveimur og tveimur barnabörnum gleðilegri jól.
„Já, jólin voru gríðarlega erfið,“ segir Ingó samtali við Mannlíf og bætir því við að þau séu þungbær sporin að stíga svona fram og lýsa fátækt sinni. Hann biðlar til netverja að hjálpa sér. „Ég á í erfiðleikum með að borga fyrir lyfin mín ofan á allt annað.“
Fyrir fjórum árum síðan lenti Ingó í alvarlegu mótorhjólaslysi og í kjölfarið greindist hann með ólæknandi eitlakrabbamein. Hann segir að veröld sín hafi hrunið. „Ég er enn í dag í mánaðarlegri meðferð vegna þess og einnig orðin óvinnufær vegna skemmda í taugakerfi í líkamanum og því get ég ekki keyrt. Þar sem ég get ekki unnið og fært mér og mínum þá peninga sem maður vildi óska sér,“ segir Ingó og bætir við:
„Og haldið gleðileg jól. Maður er orðin skuldum vafin endalaust að fresta reikningum til að eiga ofan í sig og á. Mig langaði til að eiga gleðileg jól og geta gefið börnum og barnabörnum jólagjöf og haft mat. En jólin voru gríðarlega erfið.“
Eftir erfiða jólahátíð sendir Ingó núna út neyðarkall og treystir á þitt framlag. „Ef þú getur séð af smá pening. margt smàtt gerir eitt stórt, þá mundi ég verða óendanlega þakklátur.Það síðast sem ég vildi var að koma undir nafni en svo áttadi ég mig á að ég er lasinn með alvarlegan sjúkdóm og sárlega þarfnast aðstoðar og á ekki að þurfa að skammast mín þó
ég geri það. Gleðileg jól til ykkar og megi góður guð vera með ykkur. Þetta gætu orðið mín síðustu jól,“ segir Ingó.
Ef þú vilt hjálpa Ingó og börnunum hans á þessum erfiðu tímum þá koma hér reikningsupplýsingar:
Reikningur: 0319 26 3786
Kennitala: 3003715669