Lögreglu og björgunarsveitir hafa áfram leitað að Söndru Líf Þórarinsdóttur Long frá því klukkan sex í morgun. Leitin beinist að Álftanesi þar sem bifreið hennar fannst um hádegisbil í gær.
Í samtali við fréttastofu Vísis segir Ásgeir Þór Ásgeirsson yfirlögregluþjónn hjá lögreglunni á höfuðborgarsvæðinu að leitað verði á ströndinni á Álftanesi út að Suðurnesjum. Meiri kraftur verði færður í leit uppi á landi þegar tekur að falla frá, um klukkan þrjú eftir hádegi í dag. Ekki liggi fyrir hversu margir komi til með að taka þátt í leitinni, en búið sé að boða út hópa frá Landsbjörg. Kafarar frá Ríkislögreglustjóra og Landhelgisgæslunni komi einnig að leitinni.
Sjá einnig: Leit stendur yfir að Söndru Líf
Ekkert hefur spurst til Söndru Lífar síðan á fimmtudag, skírdag, þegar hún yfirgaf heimili vinkonu sinni um hálf sexleytið. Var hennar fyrst leitað í Hafnarf og svo á Álftanesi eftir að bifreið hennar fannst. Ríflega hundrað björgunarsveitarmenn hafa tekið þátt í aðgerðum auk Landhelgisgæslu og lögreglu.