Fimmtudagur 28. mars, 2024
-2.2 C
Reykjavik

Aftakaveður gengur yfir landið – eldingar og snjóflóðahætta

VefTv

- Auglýsing -

Hlaðvörp

- Auglýsing -

Ekki er annað að sjá en að spár Veðurstofu Íslands um aftakaveður á landinu í dag ætli að ganga eftir. Nýjasta spáin boðar austan rok eða ofsaveður og fárviðri í vindstrengjum á suðurhelmingi landsins en lægja mun með kvöldinu.

„Austan rok eða ofsaveður (23-30 m/s), en fárviðri (yfir 32 m/s) í vindstrengjum á suðurhelmingi landsins. Víða slydda eða snjókoma, úrkomumest sunnan- og austanlands. Snýst í sunnan hvassviðri sunnantil landinu seinnipartinn með rigningu á láglendi og hita 1 til 5 stig, en þá áfram rok og ofankoma um landið norðanvert. Lægir talsvert á landinu í kvöld og dregur úr úrkomu.

Gengur í austan og norðaustan 13-20 m/s á morgun, en 20-25 um tíma syðst á landinu. Rigning eða slydda um landið sunnan- og austanvert. Þurrt norðan- og vestanlands framan af degi, en dálítil úrkoma þar seinnipartinn. Hiti 1 til 6 stig,“ segir á vef Veðurstofu.

Stjórnstöð Almannavarna hefur verið virkjuð og björgunarsveitir Landsbjargar hafa verið að störfum á Suðurlandi. Tilkynningar um fok eru að berast á Kjalarnesi og höfuðborgarsvæðinu. Þar er gert ráð fyrir að mest beri á veðrinu í efri byggðum.

Á Facebook-síðu Veðurstofunnar segir að fárviðrinu muni víða fylgja mikil ofankoma um tíma og búast megi við að snjóflóðahætta geti skapast. Þá mælast nú eldingar úti á hafi og líkur séu á að þær nái að ganga inn á landið sunnan til með morgninum.

- Auglýsing -


Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -