Miðvikudagur 29. júní, 2022
12.8 C
Reykjavik

Alþýðukonan Vagna Sólveig er látin: „Góða nótt í síðasta sinn“

Helgarviðtalið

- Auglýsing -

Orðrómur

- Auglýsing -

Vagna Sólveig Vagnsdóttir lést í gær 20. júní. Hún var lögð inn á spítala 17. júní með Covid-19 og lést aðeins þremur dögum seinna. Vagna fæddist 22. sept. 1935 og var því 86 ára þegar hún lést.

Hún var þjóðkunn fyrir framlag sitt til þjóðmálaumræðunnar í gegnum spjallþætti útvarpsstöðvanna. Sólveig Snorradóttir, dóttir Vögnu, sagði í samtali við Mannlíf að veikindin hafi gengið mjög hratt yfir. „Hún var með undirliggjandi lungnasjúkdóm. Hennar tími var svo sannarlega ekki kominn, hún bjó heima og var alveg sjálfbjarga og skýr í kollinum.“

Vagna Sól­veig var dug­leg að láta í sér heyra gegn­um tíðina. Hún hring­di reglu­lega í Útvarp Sögu og Bylgj­una, auk þess að vera fasta­gest­ur í Næt­ur­vakt­inni á Rás 2, þar sem hún miðlaði sinni sýn á lífið og til­ver­una.

Vagna Sól­veig fylg­ist grannt með þjóðmál­un­um og þótti fjöl­miðlar þessa lands ganga full­harka­lega fram gagn­vart Alþingi.

Sólveig, eins og hún var svo oft kölluð hefur búið á Þingeyri síðan hún var tvítug. Lengst af vann hún í fiskvinnslu. Þegar Sólveig hætti að vinna í frystihúsinu var hún ekki tilbúin að setjast í helgan stein. Hún fór að dunda við að móta styttur af allskyns fígúrum og hlutum í leir og skera út andlit í fjalir og spýtur auk þess sem hún saumaði út.

„Ég sit ekki iðjulaus og læt mér leiðast,“ sagði hún í samtal við Orri Páll Ormarson, blaðamann Morgunblaðsins árið 2017. Mest segist hún þó gera þetta til gjafa.

- Auglýsing -

Sólveig kemur úr stórum systkinahóp og voru þær fjórar systurnar sem bjuggu á Þingeyri og nokkur barna þeirra líka.

Í gærdag birtust þessi orð á Facebook síðu Vögnu: „Fyrir hönd Vögnu viljum við bjóða góða nótt í síðasta sinn. Ástkær móðir, tengdamóðir, amma og langamma féll frá í dag. Hennar verður sárt saknað og minning hennar mun ávallt lifa.“

❤️

- Auglýsing -

Mannlíf vottar aðstandendum innilega samúð.

Birt með leyfi Sólveigar Snorradóttur, dóttur Vögnu Sólveigar.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -