2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Alvogen selur starfsemina í Mið- og Austur-Evrópu

Lyfjafyrirtækið Alvogen hefur gert samkomulag um sölu á starfsemi fyrirtækisins í Mið- og Austur Evrópu til Zentiva Group. Salan er með fyrirvara um samþykki samkeppnisyfirvalda í Evrópu en búist er við að viðskiptin gangi formlega eftir á fyrsta ársfjórðungi 2020.

 

Kaupverðið fæst ekki uppgefið en samkvæmt frétt Reuters frá því í apríl í fyrra var starfseminn metin á um milljarð bandaríkjadala.

„Starfsemi okkar í Mið- og Austur Evrópu hefur verið einstaklega farsæl og því verður eftirsjá eftir góðum samstarfsmönnum sem nú verða í lykilhlutverki hjá sameinuðu félagi,“ sagði Róbert Wessman, forstjóri Alvogen, við Mannlíf. Hann sagði áherslur Alvogen á næstu árum aukinn vöxt í Asíu og auknar áherslur á líftæknilyf.

Alvogen selur um 200 lyf á 14 mörkuðum í Mið- og Austur Evrópu og rekur stóra lyfjaverksmiðju og þróunarsetur í Rúmeníu. Helstu markaðssvæði fyrirtækisins eru Rússland, Rúmenía, Búlgaría og Ungverjaland. Í tilkynningu um viðskiptin kemur fram að við söluna fari um 1.000 starfsmenn Alvogen CEE yfir til Zentiva en fyrirtækið telur fyrir um 3.000 starfsmenn.

AUGLÝSING


Zentiva er í eigu fjárfestingafyrirtækisins Advent, sem keypti fyrirtækið af lyfjarisanum Sanofi í fyrra. Zentiva hefur verið í örum vexti á þessu ári og m.a. eignast lyfjafyrirtækin Solacium í Rúmaníu og Creo í Bretlandi, auk þess að kaupa framleiðslueiningu í Ankleshwar á Indlandi af Sanofi.

Alvogen og systurfyrirtækið Alvotech reka hátæknisetur innan Vísindagarða Háskóla Íslands. Hjá fyrirtækjunum starfa um 400 vísindamenn og sérfræðingar. Samkvæmt heimildum Mannlífs mun fyrirhuguð sala ekki hafa áhrif á þá starfsemi.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum