„Í augnablikinu get ég ekki sagt til um hvenær rannsókninni lýkur. Aftur á móti er ég fullviss um að með góðu samtarfi og góðum stuðningi yfirvalda mun henni ljúka fyrr en áætlað var. Samtarf okkar við íslensk yfirvöld hefur verið gott,“ segir Josefina Nghituwamata, upplýsingastjóri Spillingarstofnunar Namibíu, þegar hún er spurð hver staða Samherjamálsins svokallaða sé þar í landi.
Eins og fram hefur komið í fjölmiðlum er Samherji sakaður um að hafa á árunum 2014 til 2019 greitt háttsettum stjórnmála- og embættismönnum í Namibíu rúman milljarð króna í mútur í þeim tilgangi að komast yfir eftirsóttan hrossamakrílkvóta. Fyrirtækið er sagt hafa hagnast þannig verulega á starfsemi sinni í landinu og síðan notfært sér þekkt skattaskjól til að koma hagnaðinum undan. Rannsóknin hefur hins vegar dregist á langinn vegna lokunar landamæra í COVID-19 faraldrinum og hefur dómari í Namibíu samþykkt að fresta því til sumarloka að fastsetja dagsetningar fyrir réttarhöldin.
Lestu meira um málið í Mannlíf.