Fimmtudagur 28. mars, 2024
1.8 C
Reykjavik

Arnar Grant segir marga leita til sín og biðja um ráð: „Förum vel með okkur“

VefTv

- Auglýsing -

Hlaðvörp

- Auglýsing -

Einkaþjálfarinn Arnar Grant, sem síðustu misseri hefur meira verið í sviðsljósinu fyrir  meinta  fjárhúgunartilraun og stormasamt ástarsamband við Vítalíu Lazarevu, býður netverjum nú 8 heilræði fyrir að bæta heilsuna í vetur.

“Margir eru að spyrja mig ráða núna. Förum vel með okkur,” segir Arnar sem birtir ráðin sín á Facebook . Hann hvetur fólk til að byrja með að fara eftir 2-3 ráðum af listanum hér fyrir neðan:

  1. Farðu nógu snemma að sofa þannig að þú náir góðum svefni.
  2. Vaknaðu nógu snemma þannig þú hafir góðan tíma til að koma þér inn í daginn.
  3. Drekktu tvö glös af vatni um leið og þú vaknar.
  4. Ákveddu hvað þú ætlar að borða yfir daginn eftir bestu getu.
  5. Vendu þig á að útbúa nesti til að taka með þér út í daginn.
  6. Hreyfðu þig í það minnsta klukkutíma á dag. Allt telur. Reyndu að hreyfa líkamann á fjölbreyttan hátt.
  7. Hugsaðu jákvætt og minntu þig reglulega á að gera það.
  8. Settu þér raunhæf markmið, skrifaðu þau niður og hafðu þau á stað þar sem þú sérð þau sem oftast.

Þeir Þórður Már Jóhannesson, Ari Edwald og Hreggviður Jónsson kærðu þau Arnar og Vítalíu fyrir tilraun til fjárdráttar, hótanir og brot á friðhelgi einkalífsins. Þremenningarnir saka þau um að hafa reynt að kúga út úr þeim 150 milljónir króna, gegn því að Vítalía félli frá því að kæra þá fyrir meint kynferðisbrot.

Vítalía steig fram í janúar síðastliðnum þar sem hún lýsti því að mennirnir þrír hefðu brotið á henni kynferðislega í sumarbústaðarferð í desember árið 2020. Þar var hún stödd ásamt Arnari Grant, en þau áttu þá í ástarsambandi.

Arnar hefur fullyrt opinberla að hann stæði með Vítalíu í málinu og myndi bera vitni ef til þess kæmi að málið færi fyrir dómstóla. Sambandsslit þeirra hafa vakið mikla athygli. Fyrst bárust fréttir af því að þau væru að flytja inn saman, og að allt væri í lukkunnar velstandi. Svo er hins vegar aldeilis ekki.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -