Arndís Anna Kristínardóttir Gunnarsdóttir, fyrrum þingmaður Pírata, hefur verið kjörin formaður Siðmenntar en hún sigraði Svan Sigurbjörnsson með 56 atkvæðum gegn 20.

Arndís Anna ákvað fyrir síðustu alþingiskosningar að gefa ekki aftur kost á sér en hún var kjörin á þing árið 2021. Sumir kölluðu eftir því að hún segði af sér eftir að hún sögð hafa dáið áfengisdauða inn á salerni á skemmtistaðnum Kiki en það hefur þó ekki verið staðfest. Dyraverðir staðarins þurftu þó að kalla til lögreglu til aðstoða sig við koma þingkonunni af staðnum.

Áður en Arndís var kjörin á Alþingi starfaði hún meðal annars sem lögfræðingur hjá Rauða Krossinum og Barnaverndarstofu.

Samkvæmt heimasíðu félagsins er Siðmennt er félag siðrænna húmanista á Íslandi.

„Félagið er veraldlegt lífsskoðunarfélag og hefur að viðfangsefni þau viðhorf og lífsgildi sem eru persónulega mikilvæg og náin hverjum einstaklingi í leit að tilgangi og hamingju í lífinu. Siðrænir húmanistar leggja áherslu á að rækta siðræn gildi og þekkingarleit án vísana í yfirnáttúrleg fyrirbrigði. Siðmennt lítur svo á að sannfæringarfrelsi, trúfrelsi og tjáningarfrelsi teljist til almennra lýðréttinda. Þau skuli ná til allra og þau megi hvorki afnema né skerða undir neinum kringumstæðum.“