Föstudagur 29. mars, 2024
-3.2 C
Reykjavik

Atli vonsvikinn á meðan peningarnir streyma í kassa ÁTVR

VefTv

- Auglýsing -

Hlaðvörp

- Auglýsing -

Góð vika – ÁTVR

Íslendingar kaupa áfengi sem aldrei fyrr í samkomubanninu og síðastliðinn mánudag voru seldir 82 prósentum fleiri lítrar í Vínbúðum ÁTVR en á sama tíma í fyrra. Þrátt fyrir skort á ferðamönnum og lokun baranna virðist ÁTVR standa með pálmann í höndunum hvað varðar sölutölur, en aukningin í sölu áfengis fyrstu þrjár vikurnar í mars var um tuttugu prósent miðað við sama tíma í fyrra.
Lýðheilsufræðingar og forvarnaforkólfar vara við þessari auknu drykkju en tala fyrir daufum eyrum og peningarnir streyma í kassa ÁTVR sem aldrei fyrr. Sem auðvitað kemur sér vel fyrir ríkissjóð og því má segja að landinn sé að leggja sitt af mörkum á þessum erfiðu tímum með auknum viðskiptum við Vínbúðirnar.

Slæm vika – Atli Árnason

Atli Árnason, heimilislæknir í Norðurþingi, átti ekki góða viku en hugmynd hans og félaga hans Sigurðar Halldórssonar læknis um að loka Norðausturlandi vegna kórónuveirufaraldursins var snarlega slegin út af borðinu af Þórólfi Guðnasyni sóttvarnalækni sem sagði hugmyndina ekki studda neinum haldbærum rökum.
Atli var að vonum vonsvikinn með þessi viðbrögð sóttvarnalæknis og vandaði honum ekki kveðjurnar í samtali við bloggsíðuna Viljann á dögunum. Sagði hann að samvisku sinnar vegna gæti hann ekki setið hjá og þagað í þessu ástandi og gaf í skyn að hér réðu efnahagslegir hagsmunir ferðinni í stað sóttvarna. Allt kom þó fyrir ekki og ákvörðun sóttvarnalæknis verður ekki haggað. Atli situr því eftir með sárt ennið og djúp vonbrigði.

Mynda af Árna / Skjáskot Facebook

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -