Miðvikudagur 20. september, 2023
10.8 C
Reykjavik

Átök í Árbæjarlaug: „Karlinn er svo feitur“

Helgarviðtalið

- Auglýsing -

Orðrómur

- Auglýsing -

Haraldur Haraldsson, eigandi Áburðarverksmiðjunnar, var mjög ósáttur við fastagest Árbæjarlaugar sem bar á sig illa lyktandi olíu sem er ætluð hrossum með húðexem.

 „Ég ætlaði að sparka í brúsann en karlinn er svo feitur að fóturinn á honum varð fyrir. Ég vona að hann hætti að koma í laugina með þennan óþverra því þetta er ekkert annað en hófolía og lyktin er svo ógurleg að ekki verður við unað,“ sagði Haraldur í samtali við DV í nóvember 2004 um málið.

„Sem betur fer ber hann hófolíu á sig eftir að hann hefur verið í sundi en lyktin af þessu er svo þvílík að vart verður með orðum lýst. Þetta er ógeðslegt,“ sagði Haraldur sem vanur ýmsum slæmum lyktum enda eigandi Áburðarverksmiðjunar og hestamaður.

„Ég er einnig með hesta og þekki þá lykt alla. En hófolíu ætti engin að bera á sig og þá sérstaklega ekki í sundlaug þar sem ferskleikinn á að vera í fyrirrúmi. Það er ótækt að ætlast til þess af mönnum að þeir hefji nýjan dag með þennan óþverra í nösunum. Hófolíu ætti engin maður að bera á sig nema þá í einrúmi heima hjá sér. Ekki í sundlaugum þar sem menn eru að þrífa sig og hressa.“

Ásgeir Sigurðsson, rekstrarstjóri Árbæjarlaugarinnar, sagði við DV að hann kannaðist við átökin en vonaði að málið yrði leyst. Ekki væri hægt að banna fólki að bera á sig olíu eftir sundferð en til skoðunar væri að banna þessa tilteknu olíu þar sem hún ætti hugsanlega ekki heima í sundklefa. DV náði ekki sambandi við olíumanninn en hann var sagður hafa verið í sundi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -