Þriðjudagur 4. október, 2022
8.8 C
Reykjavik

Bæjarstjórar á ofurlaunum eiga þetta sameiginlegt – Ánægjulegt að fylgjast með þeim dafna í starfi

Helgarviðtalið

- Auglýsing -

Orðrómur

- Auglýsing -

Talsvert hefur verið fjallað um há laun ýmissa bæjarstjóra á Íslandi undanfarið. Nokkrir þeirra eiga MBA nám í Háskóla Íslands sameiginlegt, ef marka má nýja færslu skólans, sem hreykir sér af bæjarstjórunum knáu.

Á Íslandi er sveitarfélag á hverja tæplega sex þúsund íbúa landsins. Af 64 sveitarfélögum á Íslandi eru 41 þeirra með færri en tvö þúsund íbúa. Fjölmiðlar hafa nýlega fjallað um há laun þeirra sem gegna þessu embætti í byggðum landsins, en Vísir fjallaði til að mynda um átta þeirra nú í sumar.

Kjartan Már Kjartansson, bæjarstjóri Reykjanesbæjar, er í þriðja sæti yfir launahæstu sveitarstjóra landsins, með rúmar 2,4 milljónir á mánuði. Hann er einn þeirra úr röðum íslenskra sveitarstjóra sem Háskóli Íslands bendir á að hafi útskrifast úr MBA-námi skólans.

„Hátt hlutfall bæjarstjóra á Íslandi með MBA-gráðu frá Háskóla Íslands!“ segir í nýrri færslu námsbrautarinnar. Í henni segir að ánægjulegt sé að fylgjast með útskrifuðum MBA-nemendum frá Háskóla Íslands dafna í starfi.

„Á dögunum var Geir Sveinsson ráðinn bæjarstjóri í Hveragerði en hann útskrifaðist úr MBA-náminu frá Háskóla Íslands árið 2004. Hann bættist þannig við í hóp fleiri bæjarstjóra á landinu sem hafa útskrifast úr MBA-námi okkar.“

Hinir bæjarstjórarnir sem í færslunni eru sagðir hafa útskrifast úr náminu eru:

- Auglýsing -

Fjóla Steindóra Kristinsdóttir, bæjarstjóri Sveitafélagsins Árborgar. Hún útskrifaðist árið 2021.

Sigríður Ingvarsdóttir, bæjarstjóri Fjallabyggðar. Hún útskrifaðist árið 2007.

Kjartan Már Kjartansson, bæjarstjóri í Reykjanesbæ. Hann útskrifaðist árið 2002.

- Auglýsing -

Fannar Jónasson, bæjarstjóri Grindavíkurbæjar. Hann útskrifaðist árið 2002.

Magnús Stefánsson, bæjarstjóri Suðurnesjabæjar, hann útskrifaðist árið 2009.

Fjóla Steindóra Kristinsdóttir er meðal ellefu hæst launuðu sveitarstjóra landsins, líkt og kom fram í umfjöllum Fréttablaðsins í júní.

Fjórir hæst launuðu sveitarstjórarnir eru með hærri laun en Katrín Jakobsdóttir, forsætisráðherra. Þeirra á meðal er Kjartan Már.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -