- Auglýsing -
Karlmaður á sjötugsaldri lést í gær í banaslysi á Suðurlandsvegi þegar bíll hans lenti í árekstri við sendibifreið vestan Kúðafljóts.
Maðurinn var erlendur ferðamaður á sjötugsaldri. Hann var úrskurðaður látinn á vettvangi síðdegis í gær.
Eiginkona hans var flutt alvarlega slösuð með þyrlu til Reykjavíkur, að sögn lögreglunnar á Suðurlandi.
Ökumaður sendibílsins, sem var einn á ferð, slapp þó með skrekkinn og reyndust meiðsli hans minniháttar.
Lögreglan segir í tilkynningu að hann hafi þegið aðstoð við að komast til síns heima, eftir að hafa fengið aðhlynningu heilbrigðisstarfsmanna á vettvangi.
Tildrög slyssins eru í rannsókn en vegurinn var lokaður í allnokkurn tíma í gær.