Bandaríkjamenn halda fast um budduna – Telja að breytingar verði á ferðalögum innanlands í sumar

Banda­ríkja­menn eru sú þjóð sem er fjöl­menn­ust í hópi ferða­manna hér á landi og sér­stak­lega yfir sum­ar­mán­uð­ina. En í Banda­ríkj­unum líkt og víða ann­ars staðar hefur verð­lag verið á upp­leið og það hefur áhrif á sum­ar­leyfi fólks.

Algeng­ast er að fólk seg­ist ætla í færri ferða­lög eða ferð­ast styttra frá heim­il­inu en áður var lagt upp. Ódýrari afþrey­ing og gist­ing eru líka ofar­lega á blaði hjá þeim sem gera ráð fyrir að hækk­andi verð­lag hafi áhrif á ferða­lög næstu mán­aða.

Þessir tveir síð­ar­nefndu þættir eru sér­stak­lega áhuga­verðir út frá íslenskri ferða­þjón­ustu því með­al­eyðsla banda­rískra ferða­manna hér á landi er almennt há.

Það sýna í það minnsta nið­ur­stöður nýrrar könn­unar fjár­mála­rits­ins Bankrate því sam­kvæmt þeim gera sjö af hverjum tíu Banda­ríkja­mönnum ráð fyrir að gera ein­hverjar breyt­ingar á ferða­plönum sum­ars­ins.