„Ég þarf að fara eitthvert þar sem ég veit að ég er örugg. Þar sem ég veit að ég fæ lagalega vernd,“ segir Rynn Willgohs, fimmtug transkona frá Fargo í Norður-Dakóta. Hún hefur ákveðið að flytja til Íslands þar sem hún upplifði mikið öryggi í sumarfríinu sínu.
Vegna fordóma og ofsókna telur Willgohs sig ekki lengur geta búið í heimalandinu en á Íslandi er viðmótið allt annað að hennar sögn. Á Íslandi hafi henni verið tekið opnum örmum og Willgohs upplifaði sig sem velkomna hér á landi.
„„Þetta er allt annar heimur á Íslandi. Ég held að ástandið í þessu landi eigi eftir að snarversna fyrir þá jaðarsettu, sérstaklega á dreifbýlissvæðum og í rauðu ríkjunum.
Willgohs vonast til fá vinnu á Íslandi sem fyrst og þurfa ekki að sækja um hæli. Hún stefnir á að sækja um tvöfaldan ríkisborgararétt og hefur þegar keypt sér íbúð hér á landi.