Bæjarstjóri Sandgerðis telur að stórefla þurfi sjóvarnir í sveitarfélaginu en um helgina varð stórtjón eftir ofsaveður.

Mikinn sjó flæddi yfir varnargarð við strandlengju bæjarins og ásamt grjóthruni og skemmdum á vegum.

„Mjög víða á henni eru hættusvæði þar sem geta komið sjóflóð svo hér vantar sjóvörn og flóðavörn sem við höfum verið að berjast fyrir að fá í gegn,“ sagði Magnús Stefánsson bæjarstjóri við RÚV um málið.

Þá var veðrið var svo slæmt að bátur kastaðist upp á bryggju og festist þar þrátt fyrir að hann hafi verið bundinn við land.

„Við höfum talað fyrir því að sjóflóð séu náttúruhamfarir, þetta eru bara náttúruhamfarir sem eru að gerast hér og það er Ofanflóðasjóður sem er til varðandi snjóflóð og aurflóð og við höfum bent á það á að í raun ætti sjóflóð að falla undir sama flokkinn. Það eru engir smá kraftar sem felast í svona sjógangi og var núna í svona sjógangi eins og var núna.“

Magnús sagði einnig að það skorti einfaldlega fjármagn til þess að bæta öryggi í bænum.