Félag fornleifafræðinga hefur hvorki heyrt hósta né stunu frá Lilju Dögg Alfreðsdóttur menningarmálaráðherra, og ekki heldur frá umboðsmanni Alþingis vegna kvörtun þeirra vegna skipunar Hörpu Þórsdóttur í embætti þjóðminjavarðar.
Í Fréttablaðinu í dag er talað við Gylfa Björn Helgason, sem er formaður Félags fornleifafræðinga, en nýverið lýsti félagið yfir vonbrigðum sínum í kjölfar skipunarinna; sagði ráðningaferlið óvandað, ógagnsætt og metnaðarlaust, sérstaklega þar sem staðan var ekki einu sinni auglýst.
Félag fornleifafræðinga sagði að skipunin væri hluti af „embættismannaleik“ ráðherra.
Gylfi segir að engin viðbrögð hafi fengist; hvorki frá Lilju Dögg né hafi félagið heyrt frá umboðsmanni Alþingis, í tengslum við kvörtun sína, sem send var á embættið í lok ágúst.
Gylfi segir einnig að Lilja Dögg hafi talað um að bjóða stjórn félagsins á fund, en hann hafi ekkert heyrt frá henni lengi:
„Við bara bíðum átekta, það hlýtur að koma fljótlega.“