Bindur vonir við að fá fleiri sýnatökupinna í vikunni: „Þá er hægt að gefa aftur í“

Efnisorð

Deila

- Auglýsing -

Skortur af sýnatökupinnum er áhyggjuefni að sögn Þórólfs Guðnasonar, sóttvarnalæknis. Hann segir að von sé á fleiri sýnatökupinnum í vikunni. Þessi greindi hann frá á upplýsingafundi Almannavarnadeildar ríkislögreglustjóra áðan.

Hann sagði að verið sé að gera gæðaúttekt á stórum lager af pinnum í samstarfi við Össur. Ef pinnar standast kröfur er hægt að „gefa aftur í“ að sögn Þórólfs. „Þá er hægt að gefa aftur í í sýnatöku,“ sagði Þórólfur.

60% voru í sóttkví

Þórólfur greindi frá því að 60% þeirra 60 einstaklinga sem greindust með COVID-19 síðasta sólarhring hafi verið í sóttkví. Hann hvetur landsmenn til að halda áfram að virða þau viðmið sem heilbrigðisyfirvöld hafa sett. „Ég er viss um að ef við höldum áfram þá mun okkur takast vel til.”

Þórólfur segir samgöngubann ekki vera á teikniborðinu þar sem reynsla sýnir að það muni ekki skila miklum árangri. „Í besta falli væri hægt að fresta faraldri um nokkrar vikur [með samgöngubanni] en vandinn kemur upp þegar opnað verður aftur. Þannig að við erum ekki með samgöngubann á teikniborðinu.”

- Auglýsing -

Athugasemdir

Lestu meira

Þórdís fær illa á baukinn fyrir COVID-djammið

COVID-djamm Þórdísar Kolbrúnar R. Gylfadóttir, ferðamála-, iðnaðar- og nýsköpunarráðherra Íslands, hefur vakið hörð viðbrögð víða á samfélagsmiðlum....