2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Birtir til á spjallsvæði flugfreyja – Icelandair þvertekur fyrir annað stéttarfélag

Icelandair sendi rétt í þessu opinbert bréf á Flugfreyjufélag Íslands þar sem því er alfarið hafnað að flugfélagið sé að stofna annað stéttarfélag og þvertekið er fyrir að leitað verði eftir starfsfólki utan stéttarfélagsins. Mikil og jákvæð umræða á sér nú stað á spjallsvæði félagsmanna hjá Flugfreyjufélagi Íslands.

Leitast er við að verja ráðstöfunartekjur flugfreyja en auka á sama tíma vinnuframlag stéttarinnar

Líkt og Mannlíf hefur greint frá er samningur milli flugfélagsins og flugfreyja þess á lokametrunum og lítið ber á milli deiluaðila. Samkvæmt upplýsingum frá Icelandair námu laun flug­freyja fyr­ir fullt starf um 520 þúsund krón­um að meðaltali í fyrra og yf­ir­flug­freyj­ur voru að meðaltali með um 740 þúsund krón­ur á mánuði fyr­ir fullt starf. Þegar dagpeningar eru teknir með í reikninginn, sem voru að meðaltali 145 þúsund krón­ur á mánuði, eru meðalheildarlaun flugfreyju 665.000 krónur og yfirfreyju 885.000. Vinnuskylda þeirra eru því sem nemur 65 flugtímar yfir veturinn og 75 flugtímar að sumri.

Sá kjarasamningur sem flugfreyjum býðst miðast við sambærilega nálgun og hjá flugmönnum þar sem leitast er við að verja ráðstöfunartekjur flugfreyja en auka á sama tíma vinnuframlag stéttarinnar. Meðal óska Icelandair í nýju samningunum er að flugfreyjur taki á sig eitt flug í mánuði aukalega í Evrópu. Sparnaður flugfélagsins vegna samninganna er talin geta verið um 20-25 prósent líkt og hjá flugmönnum eins og Mannlíf hefur áður greint frá.

Sjá nánar hér: Samningur við flugfreyjur á lokametrunum

Lestu meira

Annað áhugavert efni

Nýjast á Mannlíf.is

Nýjast á Gestgjafanum