- Auglýsing -
Formaður Sósíalistaflokks Íslands, Gunnar Smári Egilsson, segir að fyrirtækið „Maskína mælir nú að 70% landsmanna vantreysti Bjarna Benediktssyni fjármálaráðherra og formanni Sjálfstæðisflokksins, en aðeins 18% treysti honum.“
Bætir við:
„Til samanburðar þá fór vantraustið á Richard M Nixon hæst í 66% stuttu áður en hann flaug með þyrlu frá Hvíta húsinu, nýbúinn að segja af sér. Og traustið á Nixon fór aldrei neðar en 24%. Pólitísk staða Bjarna er því mun lakari en óvinsælasta forseta Bandaríkjanna.“
Gunnar Smári er ekki bjartsýnn á framtíð Bjarna sem stjórnmálamanns og veltir því fyrir sér hvort sá tími renni ekki upp að Sjálfstæðismenn geri sér grein fyrir því hversu veik staða Bjarna er eftir margumræddu söluna á hlut í Íslandsbanka nýverið, þar sem meðal annars faðir Bjarna varð fyrir því láni að mega kaupa í bankanum; eitthvað sem venjulegum Íslendingum stóð ekki til boða:
„Bjarni er í því sem kalla má pólitískt alkul. Hann er dead man walking pólitískt. Sjálfstæðisflokksfólk hlýtur að velta fyrir sér hvort það sé þess virði að brenna upp fylgi flokksins í tilgangslitlum vörnum á gjörðum Bjarna. Og samstarfsfólk hans í ríkisstjórn hlýtur að hugsa það sama.“
Þá spyr Gunnar Smári einfaldlega:
„Er Bjarna viðbjargandi? Er hann virkilega þess virði? “