Laugardagur 25. júní, 2022
7.8 C
Reykjavik

Blaða- og fréttamenn stefna að sameiningu: „Hart sótt að blaða- og fréttamennsku á Íslandi“

Helgarviðtalið

- Auglýsing -

Orðrómur

- Auglýsing -

Stjórn Blaðamannafélags Íslands samþykkti nýlega að ganga til óformlegra viðræðna við Félag fréttamanna, með það að markmiði að sameina félögin undir eina sæng.

Stjórn BÍ samþykkti nýlega að ganga til óformlegra viðræðna við Félag fréttamanna á ríkisútvarpinu eftir að beiðni hafði borist þess efnis í lok síðasta mánaðar. Einhugur er í stjórn BÍ um að sameining félaganna verði til þess að efna enn frekar samstöðu innan stéttarinnar og faglegt starf félagsins. Í frétt BÍ um málið segir að Félag fréttamanna sé á sama máli og BÍ en í bréfi FF til stjórnar BÍ segir m.a.:

Undanfarið hefur verið hart sótt að blaða- og fréttamennsku á Íslandi. Hefur sú aðför beinst að grunnstoðum blaðamennskunnar; tjáningarfrelsinu og heimildarmannaverndinni. Ljóst er að sameinað félag allra blaða- og fréttamanna yrði öflugri málsvari blaðamennskunnar en félögin hvort í sínu lagi, í baráttunni fyrir vernd þessara grunngilda. Einnig má telja að sameinað félag geti verið sterkari málsvari félagsmanna í baráttu fyrir bættum kjörum og réttindum.

Tekur Blaðamannafélag Íslands undir þessi orð og bindur vonir við að samningar náist um sameiningu. Meðlimir í FF eru um 60 talsins og eiga allir rétt á að ganga í BÍ líkt og þeir tæplega 30 frétta og tökumenn á Rúv sem nú þegar eru í BÍ. Þar sem félagar FF eiga óhindraðan rétt á að ganga í Bí, og stjórnin fagnar hugmyndum um sameinuð félög og fjölgun fréttamanna í BÍ, líkt og segir í frétt BÍ, munu viðræðurnar við FF fyrst og fremst snúa að því hvernig staðið verður að sameiningunni, verði hún að veruleika.

Meðal þess sem til umræðu er hvort FF kjósi að hafa sérstakan samningsrétt, þar sem félagið er nú þegar með sérstakan kjarasamning sem er að þó nokkrum meginatriðum öðruvísi en kjarasamningar BÍ. Þá kemur til skoðunar að FF verði undirdeild í BÍ, eins og Félag blaðaljósmyndara er nú. Einnig verður skoðað hvort FF komi með einhverja sjóði inn í sameinað félag og þá hvenær nýir félagsmenn öðlist full réttindi, hvort það gerist strax við inngöngu eða að hálfu ári liðnu.

Stefnan er tekin á að viðræðum verði lokið fyrir aðalfund BÍ sem haldinn verður 28. apríl og niðurstöðu kynntar fyrir þann tíma. Verður félagsfundur um stöðu viðræðanna haldinn rafrænt, föstudaginn 22. apríl kl. 12:30. Formaður FF, Sigríður Hagalín Björnsdóttir, verður aukreitis til svara á téðum fundi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -